2 МЫҢНАН АСТАМ САЛА МАМАНДАРЫ «ATYRAU OIL&GAS» ЖӘНЕ «ATYRAUBUILD» КӨРМЕЛЕРІНЕ КЕЛДІ
АТЫРАУДА 21-ШІ СОЛТҮСТІК КАСПИЙ АЙМАҚТЫҚ «ATYRAU OIL&GAS» КӨРМЕСІ МЕН СОЛТҮСТІК КАСПИЙ АЙМАҚТЫҚ ҚҰРЫЛЫС «ATYRAUBUILD» КӨРМЕСІНІҢ ЖҰМЫСЫ АЯҚТАЛДЫ.
20 жылдан астам уақыт ішінде «Atyrau Oil&Gas» көрмесі мемлекеттік биліктің өкілдері мен нарықтың жетекші ойыншылары арасындағы қарым-қатынастың негізгі тұғырнамасын қамтамасыз ете отырып, мұнай-газ саласы мамандарының кездесуі үшін орталық алаңға айналды. Дәстүр бойынша алаңда мұнай мен газды барлау және өндіру, салалық жабдықтар өндіру және инфрақұрылымды дамыту салаларындағы серіктестік жобалар үшін жаңа жолдар ұсынылды. Көрме Қазақстанның мұнай-газ саласы үшін маңызды оқиға болды, өңірдің мұнай-газ және құрылыс салаларын дамытудағы соңғы трендтерді, сондай-ақ жаңа технологиялар мен жабдықтарды таныстырды.
Қатысушылардың өздері жасаған және ресми дистрибьюторлар жеткізген өнімдерді Финляндия, Австрия, Әзірбайжан, Германия, Қазақстан, Қытай, Ресей және Түркия сияқты әртүрлі елдерден келген 102 компания ұсынды. Көрме аясында Пермь өлкесінің экспортын қолдау орталығы мен Ресей Федерациясының Удмурт Республикасының даму корпорациясы өздерін ұжымдық экспозициялар арқылы таныстырды.
Көрмеге қатысушы компаниялар санының жалпы өсімі өткен жылмен салыстырғанда 20%-ды құрады. Қатысушылар санының өсуі сонымен қатар энергетикалық ресурстарға сұраныстың артуының және оларды өндіру мен пайдаланудың жаңа, тиімдірек және экологиялық таза жолдарын табудың жаһандық тенденциясын көрсетеді. Дебютант-қатысушылардың едәуір өсуі (жалпы санның 40%-дан астамы) көрмеге деген қызығушылықтың артуын және оның мұнай-газ саласының өкілдері арасындағы өзара әрекеттесудің негізгі платформасы ретіндегі рөлін көрсетеді. Олардың көпшілігі көрмелерге қатысуды олардың одан әрі өсуі үшін қажетті инвестиция ретінде оң бағалады.
- Біз бұл көрмеге алғаш рет қатысып отырмыз. Бізде үлкен үмітт бар және келушілер санына өте ризамыз. Біздің қатысуымыздың мақсаты - өңірдің ірі компанияларына өзінің жергілікті өндірісін және логистиканы үнемдеудің арқасында бізбен жұмыс істеу өте тиімді екенін көрсету. Осы көрмені ұйымдастырғаныңыз үшін алғыс айтамыз, - деді Erreesse Caspian Valves компаниясының менеджері Дильназ Акмалиева.
2024 жылы Финляндиядан келген Machinist компаниясының өкілдері де дебют жасады. Экспозицияның үш күн жұмысында Қазақстандағы ынтымақтастық туралы алғашқы уағдаластықтарға қол жеткізілді, қатысу жақсы нәтиже берді, деп айтады қатысушылар.
- Біз Атырауға жергілікті нарықпен танысу мақсатында мұнай-газ көрмесіне келдік. Біздің техникамыз мұнда қалай пайдалы болатынын бағалағымыз келеді. Бізде кейбір жетістіктер бар: кеше Қарағандыдан келген клиенттермен кездесу болды, онда ірі өнеркәсіптік нысан салу жоспарлануда. Бүгін басқа әлеуетті клиентпен тағы бір кездесу болады. Біз тиімді ұсыныс дайындадық, бұл келушілерге қызықты болады және көрмеде мәміле жасай аламыз деген үмітттеміз, - деп бөлісті Machinist компаниясының өкілі Владимир Волков.
ТМД елдерінің көптеген компаниялары Қазақстанның батыс қалаларында дистрибьютерлерді іздеу мақсатында көрмеге қатысты.
Айта кету керек, көптеген келушілер «Atyrau Oil&Gas» көрмесіндегі қатысушыларды талдау мен мониторингтен кейін келесі экспозицияға қатысуға шешім қабылдайды, өйткені олар өз бизнесін дамыту және кеңейту мүмкіндіктерін көреді, ал көрме өз тауарлары мен қызметтерін ілгерілету үшін тиімді алаң ретінде өзін ұсынады.
- Көрме нарықты, қатысушылар мен келушілерді зерттеу тұрғысынан өте қызықты. Жалпы, мұндай іс-шаралар әлеуетті клиенттерге өз өнімдерін, материалдарын, тауарларын көрсету үшін қажет. Көрме мұнай-газ саласы компанияларын ілгерілетудің маңызды маркетингтік құралдарының бірі деп санаймын, - деді Алматыдан келген қонақ Жандос Мұхамбетов.
Мұндай көрмелерді ұйымдастырушылар, олардың қатысушылары сияқты, жыл сайын Қазақстанда ел нарығына қызығушылық танытатын жақын және алыс шет елдермен бірлескен кәсіпорындар саны өсетініне сенімді. Көрменің іскерлік бағдарламасы аясында еліміздің мұнай-газ секторын дамытудың өзекті тақырыптары бойынша 13 диалог алаңы ұйымдастырылды.
Көрменің іскерлік бағдарламасы барысында ондаған спикерлер, олардың ішінде мемлекеттік органдардың өкілдері, сарапшы-практиктер, ірі салалық қауымдастықтар мен одақтардың өкілдері дөңгелек үстелдер мен семинарлар ұйымдастырды. Семинарлар барысында Теңізшевройл, Каспий Құбыр Консорциумы, Ембімұнайгаз, «ЭнергоИнновация» энергетикадағы инновациялық кәсіпорындар қауымдастығы, «Энергия үнемдеу және энергия тиімділігін арттыру саласындағы ұлттық даму институты» АҚ және басқа да компаниялардың салалық сарапшылары өз тәжірибелерімен бөлісті.
Инновациялық мобильді ITECA.EVENTS қосымшасының іске қосылуы көрмелердің жаңалығы болды. Оның басты міндеті - көрмеге қатысуды да, оған баруды да барынша нәтижелі ету. Қосымшаның көмегімен қатысушылар әлеуетті клиенттермен кездесулер тағайындай алады, QR кодын сканерлеу арқылы контактілерді жинай алады. Ал келушілердің қолында әрқашан көрмеде ұсынылған өнімдер мен қызметтердің тізімі, сондай-ақ іскерлік бағдарлама кестесі мен көрменің интерактивті жоспары бар қатысушылардың тізімі болды.
Дәстүр бойынша «Atyrau Oil&Gas» және «AtyrauBuild» көрмелері өнімді салалық платформаларға айналды және нарықтың барлық қатысушыларына өнімдермен, экспоненттердің қызметтерімен танысуға, өзекті мәселелерді талқылауға және тиімді келісімшарттар жасауға мүмкіндік берді.
«Atyrau Oil&Gas» көрмесінің бас серіктесі – Теңізшевройл компаниясы. Іс-шараның Алтын серіктестері – Каспий Құбыр Консорциумы, Ембімұнайгаз. Күміс серіктесі – Dereknet.
Іс-шараларға Қазақстан Республикасының Энергетика министрлігі, Атырау облысының әкімдігі, «KAZENERGY» Қазақстан мұнай-газ және энергетика кешені ұйымдарының Қауымдастығы» ЗТБ, KAZSERVICE сервистік компаниялар одағы, PETROCOUNCIL.KZ – мұнай-газ саласындағы стратегиялық әріптестікті дамыту жөніндегі кеңес, Қазақстан мұнайшы-геологтар қауымдастығы (КОНГ), «Атамекен» Қазақстан Республикасының Ұлттық Кәсіпкерлер Палатасы ресми қолдау көрсетті.
Көрменің ұйымдастырушысы Қазақстандық Iteca көрме компаниясы және оның халықаралық серіктесі – ICA Events компаниялар тобы.