АТЫРАУМҰНАЙМАШ: ДАМУДЫҢ ЖАҢА КЕЗЕҢДЕРІ ЖӘНЕ ХАЛЫҚАРАЛЫҚ ТАНЫЛУ
«АтырауМұнайМаш» ЖШС — мұнай-газ, энергетика және өнеркәсіп салаларына арналған жабдықтар өндіруде көп жылдан бері табысты жұмыс істеп келе жатқан Қазақстандағы жетекші машина жасау кәсіпорындарының бірі. Кәсіпорын бай өндірістік тәжірибені, заманауи технологияларды және жоғары білікті мамандарды үйлестіре отырып, күрделі әрі ауқымды жобаларды сенімді жүзеге асыруға мүмкіндік береді.
«АтырауМұнайМаш» ЖШС ASME халықаралық сертификаттарына ие, бұл өндірістің машина жасау және қысыммен жұмыс істейтін жабдықтарды дайындау саласындағы ең беделді әлемдік стандарттардың талаптарына сәйкес келетінін растайды. ASME (American Society of Mechanical Engineers) сертификаты кәсіпорындағы жобалау, өндіру, сапаны бақылау және сынақ процестерінің ASME Boiler and Pressure Vessel Code (BPVC) халықаралық стандартының қатаң талаптарына сай екенін дәлелдейді.
2025 жылдың ақпан айында кәсіпорын беделді American Petroleum Institute (API) сертификатын сәтті алып, әлемнің 100-ден астам елінің нарығына шығу мүмкіндігіне ие болды. Бұл өнімнің ең қатаң халықаралық сапа және қауіпсіздік стандарттарына сәйкестігін растап, компанияның экспорттық әлеуетін және жаһандық серіктестердің сенімін нығайтады.
Компания өндірістік қуаттарды жаңғыртуды, металл өңдеу, дәнекерлеу және сапаны бақылау бойынша заманауи технологияларды енгізуді жалғастыруда. Өндірістік процестердің тиімділігін арттыруға және мұнай-газ саласына арналған өнім түрлерін кеңейтуге ерекше көңіл бөлінуде.
Соңғы жылдары «АтырауМұнайМаш» ірі халықаралық компаниялар мен Қазақстандағы мұнай-газ жобалары үшін ірі габаритті жабдықтарды өндіруді қамтитын маңызды мемлекеттік өнеркәсіптік жобаларды іске асыруға белсенді қатысып келеді. Бұл тапсырыс берушілер тарапынан жоғары сенімді және отандық машина жасаудың әлемдік өндірушілермен бәсекеге қабілетті екенін көрсетеді.
Ірі халықаралық жобалар «АтырауМұнайМаш» ЖШС қызметінде маңызды орын алады және шетелдік серіктестер тарапынан жоғары сенім деңгейін дәлелдейді. Мәселен, 2025 жылдың қараша айында кәсіпорын италиялық инженерлік Tecnimont S.p.A. компаниясымен газды бөлу кешені (ГБК) жобасына арналған ірі габаритті пропан буллиттерін өндіру бойынша стратегиялық келісімшартқа қол қойды.
«АтырауМұнайМаш» үшін мұндай жобаларға қатысу — тек тапсырыстар портфелін кеңейту ғана емес, сонымен қатар мұнай-газ жабдықтарын жеткізу бойынша халықаралық нарықтағы позициясын нығайту болып табылады. Компания жетекші әлемдік инжинирингтік ұйымдармен ынтымақтастықты жүйелі түрде дамытып, ірі әрі технологиялық тұрғыдан күрделі тапсырыстарды орындау қабілетін тұрақты түрде дәлелдеп келеді.