ХАЛЫҚАРАЛЫҚ «ATYRAU OIL&GAS» ЖӘНЕ «ATYRAUBUILD» 2025 КӨРМЕЛЕРІНЕ ШАМАМЕН 3 МЫҢ МАМАН КЕЛДІ
2–4 СӘУІР АРАЛЫҒЫНДА АТЫРАУ ҚАЛАСЫНДА ӨҢІРДІҢ МАҢЫЗДЫ САЛАЛЫҚ КӨРМЕЛЕРІНІҢ БІРІ – 22-ШІ СОЛТҮСТІК-КАСПИЙ ӨҢІРЛІК «ATYRAU OIL&GAS» КӨРМЕСІ ӨТТІ.
Бұл көрме тағы да мұнай-газ саласындағы тәжірибе алмасу, тиімді іскерлік байланыс орнату және заманауи шешімдерді ұсыну алаңы ретінде өзінің маңыздылығын растады.
Сонымен қатар, 22-ші Солтүстік Каспий өңірлік Құрылыс және интерьер «AtyrauBuild» көрмесі өтті. Біріккен экспозиция Қазақстан мен шетелден 2 655 келуші мен ондаған компанияны жинады.
Көрменің құрметті қонақтарының қатарында – Атырау облысы әкімінің орынбасары Дарын Шамұратов, Қазақстан Республикасы Энергетика министрлігі Мұнай-газ химиясы және техникалық реттеу департаментінің директоры Темірлан Үркімбаев, KAZENERGY қауымдастығының Бас директоры Жандос Нұрмағанбетов, «Каспий Құбыр Консорциумы-К» АҚ Бас директорының Үкіметпен байланыс жөніндегі орынбасары Қайыргелді Қабылдин, North Caspian Operating Company Басқарушы директоры Рую Джанкарло, PetroCouncil Қазақстан мұнай газ кеңесінің төрағасы Асылбек Жақиев, Италияның Астанадағы елшілігіндегі миссия басшысының орынбасары Петито Аниелло, I. C. E. Италия сауда комиссиясының директоры – Италияның Қазақстандағы елшілігінің (ICE/ITA агенттігі) сауда алмасуын дамыту бөлімінің басшысы Мартино Кастеллани.
Біріккен экспозиция аясында 10 елден – Австрия, Германия, Италия, Қазақстан, Қытай, Нидерланд, Біріккен Араб Әмірліктері, Пәкістан, Ресей және Сингапурдан келген 97 компания өздерінің соңғы әзірлемелерін ұсынды. Италиядан келген 18 өндіруші алғаш рет үлкен ұлттық стендпен өздерін көрмеде таныстырды. Италияның Қазақстандағы Елшілігінің істерінде сенім білдірілген Аниелло Петито мырзаның айтуынша, 22-ші Солтүстік Каспий өңірлік «AtyrauOil&Gas» көрмесі Қазақстан мен Италия арасындағы екіжақты экономикалық қатынастарды дамыту үшін зор маңызға ие. Бүгінде Қазақстанда 260-тан астам итальяндық компания жұмыс істейді және жыл сайын екі ел арасындағы сауда алмасу айтарлықтай артып келеді.
«Атырау облысы Қазақстанның мұнай-газ өнеркәсібінің орталығы болып саналады, онда осы салада қызықты жобалар жүзеге асырылуда. Сондықтан біздің делегация үшін көрме – бұл саланың негізгі компанияларының, мемлекеттік органдардың, жабдықтар мен қызметтерді жеткізушілердің өкілдерімен, сондай-ақ әлеуетті серіктестермен кездесу мүмкіндігі», - деді Аниелло Петито.
Көрмеге алғаш рет Пәкістаннан келген «Serena» компаниясының өкілдері қатысты. Маркетинг бөлімінің басшысы Saima Imran хабарлағандай, Қазақстан тоқыма бизнесін дамыту үшін тартымды алаң болып саналады: «Біз «Atyrau Oil&Gas» көрмесіне алғаш рет қатысып отырмыз, мен іс-шараның ұйымдастырылған деңгейіне өте ризамын. Екі күн ішінде біз көптеген байланыстар және әлеуетті серіктестер таптық. Пәкістанға оралғаннан кейін біз келіссөздерді жалғастыруды жоспарлап отырмыз. Біздің өнімдеріміз – маталар мен жеке қорғаныс құралдары Қазақстан нарығында сұранысқа ие болатынына сенімдімін».
Көрмеге Texol компаниясының өкілдері де қатысты. Texol компаниялар тобының жетекшісі Шота Абхазава көрмеге тұрақты түде қатысатындарын айтты. Бұл жолы Texol мұнай сервисінің жаңа жабдықтарын ұсынды.
«Ұйымдастырушыларға компаниялар пікір алмасатын, тәжірибе алмасатын және іскерлік байланыс орнататын платформа құрғаны үшін алғыс айтамын», - деді Шота Абхазава.
Айта кету керек, көптеген келушілер «Atyrau Oil&Gas» көрмесіне барудың тиімділігін талдау мен мониторингтен кейін алаңға қайта келу туралы шешім қабылдайды, ал келесі жылы экспонент ретінде стендпен өздерін ұсынуға шешім қабылдайды. Көрменің тұрақты қонақтарының бірі «Signify» ЖШС (Атырау қ.) бизнесті дамыту жөніндегі менеджері Әлібек Шамеденов болды. Ол көрменің ұйымдастырылған деңгейі жоғары екенін және қатысушылардың кең географиясын атап өтті: «Менің сапарымның негізгі мақсаты — жарықтандыру нарығындағы ағымдағы ұсыныстармен танысу, әлеуетті клиенттермен кездесу, біздің жабдықтар бойынша кері байланыс алу. Биылғы жылы келушілер саны бұрынғыға қарағанда айтарлықтай жоғары болды. Қытайдан, Ресейден, сондай-ақ жергілікті әріптестерімізден жаңа мүшелерді көргеніме ерекше қуаныштымын. Көрме барған сайын ауқымды әрі қызықты бола түсуде», - деп бөлісті Әлібек Шамиденов.
Көрменің мазмұнды іскерлік бағдарламасы үш күн ішінде ондаған спикерлердің — мемлекеттік органдар өкілдерінің, тәжірибеші сарапшылардың, сондай-ақ ірі салалық қауымдастықтар мен одақтар көшбасшыларының қатысуының арқасында қалыптасқанын атап өткен жөн. Мәселен, іскерлік бағдарламаның мазмұнына «Мұнай-газ химиясындағы жаңа жобалардың келешегі мен сын-қатерлері» тақырыбындағы Пленарлық отырыс кірді. Сарапшылар саланы дамытудың негізгі тенденцияларын, инвестицияларды тарту жолдарын, мемлекеттік қолдау тетіктерін, сондай-ақ инновациялық технологияларды енгізу және орнықты даму мәселелерін талқылады. Бұдан әрі «Мұнай-газ саласында цифрлық шешімдерді енгізудің келешегі» атты Панельдік сессия өтті, оның аясында үлкен деректерге, өндірісті автоматтандыруға, жасанды интеллектке және олардың операциялық қызметке ықпалына арналған мәселелер талқыланды. Сатып алу процестерін терең талқылауға ерекше назар аударылды. Іскерлік бағдарлама аясында Теңізшевройл, NCOC және KPO компанияларының семинарлары өтті. Сондай-ақ, көрме жұмысы аясында «Махамбет» өнеркәсіптік-өндірістік кешені (TEXOL компаниялар тобы) және «Kazakhstan Petrochemical Industries Inc.» ЖШС-де өнеркәсіптік экскурсиялар мен баспасөз турлары өтті.
20 жылдан астам уақыт ішінде «Atyrau Oil&Gas» көрмесі мемлекеттік аппарат өкілдері мен нарықтың жетекші ойыншылары арасындағы қарым-қатынастың негізгі тұғырнамасын қамтамасыз ете отырып, мұнай-газ саласы мамандарының кездесуі үшін орталық алаңға айналды.
Көрме жаһандық және жергілікті компаниялардың аймаққа деген қызығушылығының артуын көрсете отырып, кәсіби диалог үшін халықаралық платформа мәртебесін нығайтуды жалғастыруда.
Іс-шараның бас серіктесі – Теңізшевройл
Алтын серіктесі – Каспий Құбыр Консорциумы
Күміс серіктестері – Beeline, Clemco International
Ресми қолдау көрсеткендер: Қазақстан Республикасы Энергетика министрлігі, Атырау облысының әкімдігі, «ҚазМұнайГаз» ҰК» АҚ, KAZENERGY – Қазақстанның мұнай-газ және энергетика кешені ұйымдарының қауымдастығы, PETROCOUNCIL – Мұнай-газ саласындағы стратегиялық серіктестікті дамыту кеңесі, KazService – Қазақстанның сервистік компаниялар одағы, Қазақстан мұнайшы-геологтар қоғамыны (КОНГ).
Іс-шараның ұйымдастырушысы – Қазақстандық Iteca көрме компаниясы және оның халықаралық серіктесі – ICA Events компаниялар тобы.
