ӨРІКТАУ КЕН ОРНЫНДАҒЫ ЖОБАНЫҢ СӘТТІ АЯҚТАЛУЫ

Өріктау кен орнында ұңғымаларды игеру және қарқындату бойынша жұмыстар кешені сәтті аяқталды. Жоба KazGeoTech компаниясы тарапынан өндірістік кесте мен Тапсырыс берушінің техникалық талаптарына толық сәйкес жүзеге асырылды.

Тиімділіктің негізгі факторы – әрбір ұңғымаға жеке инженерлік тәсілдің қолданылуы болды. Операциялар жүргізілмес бұрын процестерді модельдеу және симуляциялау орындалып, соның негізінде айдау жұмыстарының оңтайлы моделі таңдалды. Бұл геологиялық-техникалық ерекшеліктерді ескеруге және өндірістік нәтижені барынша арттыруға мүмкіндік берді.

Атқарылған жұмыстардың нәтижелері Тапсырыс берушінің күткен үмітін толық ақтап, оң бағасын алды. Жоба қорытындысы бойынша өндірістік көрсеткіштердің жақсаруы және технологиялық процестердің жоғары басқарылуы атап өтілді.

Өнеркәсіптік қауіпсіздікке ерекше көңіл бөлінді — барлық жұмыстар апаттарсыз және оқыс жағдайларсыз, қауіпсіздік техникасы талаптары мен өндірістік стандарттарды сақтай отырып орындалды.

Жобаның қосымша жетістіктерінің бірі — Тапсырыс берушіге жұмыстардың барысын және операциялардың негізгі параметрлерін нақты уақыт режимінде бақылауға мүмкіндік беретін Streaming цифрлық платформасының сәтті іске қосылуы болды. Онлайн-мониторинг процестердің ашықтығын қамтамасыз етіп, тараптар арасындағы өзара іс-қимыл тиімділігін арттырды.

Өріктау кен орнындағы жоба командасының жоғары инженерлік құзыреттілігі мен технологиялық икемділігінің тағы бір дәлелі болды.